Manatın məzənnəsinə müdaxilə etmirik - Elman Rüstəmov

Mərkəzi Bank manatın məzənnəsinə müdaxilə etmir.

banks.az xəbər verir ki, bunu qurumun sədri Elman Rüstəmov keçirdiyi mətbuat konfransında bildirib.

O manatın məzənnəsi barədə deyilənlərə də aydınlıq gətirib:

"Milli valyutanın məzənnəsinin süni olması barədə deyilənlər həqiqətə uyğun deyi. Bu, açıq bazardır. Mən bilmirəm, onu necə tutub saxlamaq olar. O ki, qaldı Dövlət Neft Fondundan (ARDNF) transfertlərə, bu prosesdə AMB yalnız agent rolunu oynayır. Bəzi dövlət xərcləri ödənilməlidir. Bu, daha çox fiskal prosesdir. Belə köçürmələr daha çox dövlət büdcəsi üçün həyata keçirilir. Biz çox az hallarda banklardan valyuta alırıq. Çünki onlarda likvidlik problemi olur. Bir də ki, beynəlxalq təşkilatların AMB-də hesabları var. Əgər biz valyutanı alırıqsa, bu məqsədlə alırıq. Biz həm də valyutanı manatın məzənnəsinin möhkəmlənmək təzyiqindən azad etmək üçün alırıq”.