Necə kredit götürüm ki, borc bataqlığına düşməyim

Öz maliyyə imkanlarını düzgün qiymətləndir

Sadə bir formula var: bütün kreditlər üzrə aylıq ödənişlər gəlirinin 45%-ni keçməməlidir.
Kredit ödənişlərinin öhdəsindən necə gələcəyini əvvəlcədən düşünməyin vacibdir.
Yalnız maaşını, pensiyanı və ya digər gəlirini deyil, həm də gözlənilməz halları nəzərə almalısan: işdən çıxarılma, xəstəlik və ya böhran maddi vəziyyətini kəskin şəkildə pisləşdirə bilər.

İlk önünə çıxan bankdan kredit götürmə

Yaxşı reklam hər zaman yaxşı bank demək deyil. Bir neçə bankda kredit şərtlərini araşdır.
Yalnız faiz dərəcəsinə deyil, digər məqamlara da diqqət et: kredit müddəti, cərimələr və gecikmə komissiyaları.
Digər müştərilərin rəylərini oxu - bank borcalanın çətin maliyyə vəziyyətində güzəşt edirmi?

Öz hüquqlarını unutma

Maliyyə vəziyyətin çətinləşdiyində gizlənmə, nömrəni dəyişmə, bank nümayəndəsinə vəziyyətini anlat.
Bankdan borcunun ödəniş cədvəlini dəyişdirməyi xahiş et - kreditin müddətini artırmaqla aylıq ödənişlərin məbləğini azald. İstənilən halda pulu qaytarmalısan.

Şərtlərini anlamadığın müqaviləni imzalama

Tənbəl olma, müqavilənin bütün mətnini oxu, bu, gələcəkdə vaxtına və puluna qənaət edəcəkdir. Kreditin verilməsi və ödənilməsi üçün bütün şərtləri diqqətlə öyrən. Komissiyalara, gecikmiş ödənişlərə görə cərimələrə, əlavə şərtlərə diqqət et.
Bir şey aydın deyilsə, bank işçilərindən soruş, izahat istə.

Kredit ödənişlərini gecikdirmə

Ödəniş cədvəlinə əməl et və kredit ödənişlərini vaxtında ödə.
Pulun hesaba daxil olması zaman ala bilər, bunu unutma.
Smartfonunda xatırlatma funksiyası var, ondan istifadə et.

Krediti bağlamağı unutma

Son ödənişi etdikdən sonra, bankdan kreditin bağlanması ilə bağlı arayış tələb et.
Bir neçə həftədən sonra kredit tarixçəni yoxla. Bu yolla sən bankın kredit bürosuna düzgün məlumat təqdim etdiyinə əmin olacaqsan. Bu sənə yeni kredit götürmək istədiyin zaman ödənilməmiş borcunun olmamasını təsdiq edəcək.